قابلت نور العين في خلسه عن اعيون الجموع

السلام عليكم ورحمة الله وبركاته
هذه القصيده حديثة الولادة اتمنى تحوز على رضاكم




فزيت من نومي وقلبي يختلج بيـن الضلـوع
يالله عسى ما شر ويش علـى قلبـي جـرى

قلبي كما الطائر بصدري يختنق يبغي الطلـوع
والعاشقـه متوثبـه تتـل قلـبـي لـلـورى

مدري سحابة صيف مرت او تبي مني خضوع
ولا تداري لفهتي وتسـج مـع نجمـا سـرى

ياهل ترى وش صابني هالبنت لقليبـي تلـوع
ما غيرها في هاجسي شفتـه ولا ليـه طـرى

من يوم حلت بالحشي وانا لها كلـي شمـوع
احبها فـوق الثـراء واحبهـا تحـت الثـراء

اقسم لها واقسم لها باني ولن انوي الرجـوع
مادم نور العين من بين الخلايق لـي شـراء

سرت بدمي واهجعت قلبي وخلق الله هجـوع
وازريت اقاوم بعدها وهـو بعـد مثلـي زراء

الله يسقي لحظةٍ مـرت عليـه مـن سبـوع
تجلت الاحزان فيها بعـد مـا ذقـت الكـرى

قابلت نور العين في خلسه عن اعيون الجموع
ضميتها ضمة وله من غيـر مـا حيـاً درى

انستني الدنيا وانا من قبلهـا رجـلا جـزوع
هم اليالـي مـا يفارقنـي وبالقلـب اعتـراء

دايم تواسينـي وتتحمـل جنونـي والوجـوع
وانا تجرع عشقها في كـل لحظـه وازفـراء

حكم الزمان استدل على فكري طيوفه كل نوع
حتى الحقيقه والوهم في هاجسـي تتبختـرى

من شافني قال انت يا فـواز مختـل الطبـوع
حالتك حاله وانت عينك في طبوعك ما تـرى

قلت الهواء شيب براسي وانت يا صاحب قنوع
والله يسامح من تبلانـي وع القلـب افتـرى